الـــبــــ(✍🏻) ـــــارت [ 5️⃣
_*البارت الخامس*_
🔵🔵🔵🔵🔵🔵🔵🔵🔵🔵🔵🟣🟣🟣🟣🟣🟣🟣🟣🟣🟣🟣
بعد يومين.....
عندما يقبع الحلم بداخلنا ونحن عاجزون عن تحقيقه يغدو كمرض..يحفر أخاديد في القلب..
كم من الصعب ان ترى السعاده امام عينك ويديك لاتطاله...كم انا بحاجه ان احتضن حلمي وحبي وارحل بعيدا حيث قصر المستقبل..حيث ارى نفسي انسانه من جديد...اريد ان اشعر ..بنفسي ..حريتي..مشاعري..واتحرر من قيود الذل والمعانات التي رافقتني منذ طفولتي ومازالت تجتاحني لتأكل ماتبقى مني من صبر.....
فاقت نور بنئزه وشافت تيم قدام عينها....
تيم: لاتخافي نور انا اجيت منشان هربك...
كتبت نور: كيف بدي اهروب وابي...
تيم: هاد بحياتو ما كان اب خلص نور اليوم بدي اعرف انتي بتحبيني ولا لاء...
كتبت نور: بحبك تيم وكتير بس صعب نهروب...
تيم: مين سائل عنك متي عشتي هربتي بدي عيشك حياة جديده معي ونسيكي كلشي عشتي هون بدي كون فارس احلامك...
كتبت نور ودمعه بعينها: وانا بدي كون معك بس كتير خايفه عمخاف من المستقبل...
تيم: لاتخافي طول مالك معي..نور انا بشوف فيكي حنان الام بشوف فيكي البراءه وبشوف فيكي الحب وماحدا بيستاهلك غيري لاني رح اعرف اسعدك....انتي بس وافقي وخلينا نهروب...
كتبت نور: موافقه تيم بس كيف وايمت ولا وين..
تيم: لما تكوني معي لاتسألي عن شي عرفي انك رح تلاقي بقلبي وطنك...
بتسمت نور وحضنت تيم...غمرو بعض بكل حنيه..
تيم: انتي بتحبيني...
مالحقت نور تهز راسها بالموافقه وكان تيم حاطط تمو على تمها وعمبوسها بكل احساس وغابو ابوسه طويله....
تيم: يله لكن مافي داعي نأجل قومي هلق ضبي غراضك وانا ساعدك لانهروب ...
قامت نور وضبت كم غرض واهم شي صورة امها وصارت جاهزه وهربو من الشباك وبلشو يركدو والدنيه بلشت تشتي وينزل مطر واضويه الطرقات وهنن ماسكين ادين بعض وعميضحكو ويركدو...لأول مره بتحس نور بالحريه والأمان ولأول مره بحس تيم بالعشق.....
تيم: المطره بجنن مانفسي ارجع على البيت غير الصبح تروحي معي نور بدي اخدك مطرح بعيد عن العالم والناس مطرح يحتوينا ويحتوي حبنا...
اطلعت نور بتيم وهزت راسها بالموافقه....
وصل تيم على منطقه فيا شجر كتير متل الغابه ومسك ايد نور واخدها على كوخ صغير من خشب هوه شبه خرابه ودخلو عليه كان عتمه كتير...
تيم: نور خليكي هون رح شغل نار ورح يضوي المكان...
اخد تيم تنكه كبيره وحط خشب وشعلها واضائة الخرابه ودفي المكان..بس ماكان في بواب ومبين الشجر والمطر يلي عمينزل بغزاره بالخارج...وبعدها جاب قش وتسطح وسحب نور لاعندو وصار راسها على صدرو...وبلش يلحمس على شعرها ويحكي...
تيم: اليوم احلا يوم بحياتي...
اجت تكتوب نور ام وقفها تيم...
تيم: مابدي تكتبي وتتعزبي انا بحسن اسمع صوتك من دقات ألبك وبعرف شو بدك تحكي..خلص انتي بس سمعيني وخليكي مسطحه بدي تحسي بالهدوء والأمان معي...
بلش تيم يلحمس على شعر نور وعلى خدها وضمها لاعندو وبلش يحكيلا....
بعد ساعه....
تيم: بردانه نور...
هزت نور براسها انو اي....
قام تيم وحط خشب لأنو النار كانت رح تنطفي وكانت نور عمطلع عليه كان شب اسمر طويل جذاب ابتسامتو لحالها قصة تانيه عيونو عسليه وكان باين شب كادح بالحياة وشغيل..
تيم: ههههه على شو عمطلعي يله نامي لابين ماخلص لم الخشب هبوله....
اضحكت نور وغمضت..وبعد ثواني حست بنفس تيم عمقرب منها وشبك ايدو بأيدها وباسها من شفافا....وبعدها غفلو ونامو.....
في الصباح....
بلشت نور تفتح عينها وفجأه مالقت تيم ركدت لابرى كان المطر قوي ماحسنت تشوف شي ودخلت وهيه خايفه عليه وعمتنتظر وفجأه دخل من الباب وابتسامتو على وشو....
تيم: يسعدلي صباح قمري...
بتسمت نور وركدت لاعندو وضمتو...
تيم: بعرف كنتي خايفه عليي...ليكي جبت شاورما مالك جوعانه يله خلينا ناكول وبس يهدا المطر نروح على البيت لاعند ابي...
كتبتلو نور: بركي ابوك ماحبني بركي ماوافق..
تيم: لاحبيبتي ابي هوه رباني وزلمه متفهم ورح يحبك كتير ورح ينبسطلي لاتخافي وهلق خلينا ناكول...
شعل تيم النار من جديد وقعد جنب نور وصار يطعميها بأيدو...وهيه اطعمي ويطلعو ببعض ويضحكو....
بعد ماخلصو اكل سند ضهرو تيم على الخشب واخد نور بحضنو وغمرها من ورى....
تيم: بحبك هبله..يله كتبيلي شي...
مسكت نور الورقه وغمضت عينها شوي وبعدين كتبت...
كتبت نور: حينما غرقت في بحر عينيك تحولت لجثه هامدة..تلاشى جسدي تحت غطاء جفونك..تجمدت اطرافي كسحابة شتاء قاسية..حرقني جنونك داخل مقابر حبك الجماعيه..فاختلطت ذراتي مع تراب أدم حيث اول الوجود ..فحبك ياسيد الرياحين انشودة حب واحده.....
تيم: هههههههه شو شاعره دخيل البك ماكنت بعرف...
قرب تيم وباسها وغابو ببوسه طويله....
بعد ساعه هديت المطر وقام تيم واخد نور والغراض وراحو على بيت ابوه....
الأب قادر: وين كنت تيم نشغل بالي عليك..مين هي البنت...
تيم: بابا بدي ياك تسمعني انا هي البنت حبيتها وحابب اخطبها...
قادر: ليش ماخبرتني كنت طلبتلك ياها كيف بجيب بنت على البيت...
تيم: ابي رح فهمك كلشي...
بلش تيم يشرح لأبو وحكالو كل القصه وأبو كان زلمه كبير ومتقاعد وعمرو55ومتفهم وعايشين لحالون...
قادر: تعي بنتي لاتخافي انتي نظلمتي كتير بس ان شاء الله مع ابني بتلاقي سعادتك وبجيبي سعاده لهل بيت...وانا موافق على الزواج...
كتبت نور: بشكرك كتير عمو وانت من اليوم متل ابي وبتمنى اسعدكون...
قرأ تيم لأبوه وبعدين اخد نور على غرفة امو وقلها من اليوم هي غرفتك لابين مانزوج....
بعد مرور شهر....تمت الخطبه بين نور وتيم بس للأسف ماكملت فرحتون وزواجون....
دق دق...
تيم: شوفي محمد...
محمد: الحرب شاعله وعمياخدو الشباب من البيوت يلي بعمر 18...
ومالحق يحكي كانو اخدينو على الحرب وعلى التجنيد...وكان عمطلع اخر نظره بنور وبأبو وعمودعون بعينو...
قادر: ابنيييي وين اخدوك ياعمري بعدك صغير لسى مازوجتك وفرحة فيك...
قربت نور ودموعها عمينزلو وبلشت تهدي الأب وضمها وصارو يبكو.....
........................................................................
داخل منزل علي...
علي: بنتي عمختنئ عطيني دوايي من الدرج تبع الربو...
مريم: ايييي ابي مو شايف عمحط مناكير بدك حبيبي يشوف ايدي هيك...
علي: عمختنئ ماعد احسن....
مريم: ابيييي شو صلك ابي قوم....
مرح: شوفي علي قوم علي....
مات علي بسبب انو ما اخد الدوى تبع الربو بالوقت المناسب... وقبل مايموت كان حاسس بذنب اديش ظلم نور وانو بنتو مريم مابتهتم فيه ومافيا خير حتى دوى ماعطتو منشان مناكير لأيدها وغادر الدنيه بلحظه وهوه ندمان على كلشي...
بعد اسبوع....
رن تلفون مرح....
مرح: الو مين معي...
الضابط: ابنك احمد استشهد...
وقعت مرح من الصدمه ودموعها عمتنزل وتصرخ احمددد لا ابني لاتروح وتتركني ابوك مات بس انت لاتموت بترجاكككك لاتروووح انا السبب انا قتلت عبير وانا عذبتها وظلمتها وظلمت نور بس يارب رجع ابني يارب رجع احمددد انا رح توب عن كلشي رجعلي ابني.....
صابتها هستريه لامرح ودخلوها المصح العقلي وبعد فتره بنتها تزوجت وبعدت عنها وماعد سألت عنها....
........................................................................
........................................................................
رن تلفون قادر...
قادر: الو كيفك محمد طمني عن ابني...
محمد: عمي مسك اعصابك انت زلمه صبور ابنك تيم وصلنا اخبار انو توفا بس للأسف مافي جثه صار تفجير وماعد نعرف الجثث لامين....
وقع الجوال من ايد قادر وصرخ تيممممممم ابني ليش تركتني...
سمعت نور الخبر وكانت اكبر صدمه بحياتها بس هل صدمه انطقتها وصرخت بصوت عالي...
نور: تيممممممممممم.....
ووقعت نور بالأرض لتفت قادر على نور ومو عرفان يفرح ولا يحزن وركد بسرعه واسعفها على المشفى...
الدكتور: البنت فايته بصدمه هاتي ابرة المهدئ...
عطو نور ابرة مهدئ وفحصوها وكانت اكبر معجزه صوتها رجع وصارت تحكي......
دخل قادر على الغرفة ومسك ايد نور ومسح دموعها...
قادر: الف الحمدلله يارب...
نور: عمي لاتبكي بترجاك كان تيم يوصيني فيك انا بعد اليوم بنتك ورح اعمل المستحيل لاضل قويه تيم ما مات تيم عايش بقلبي عايش بقلبك وجواتنا هوه اجمل انسان شفتو بحياتي...ربي يتقبلو من الشهداء....
رجع قادر ونور على البيت وكانو شايفين تيم بكل خطوه وكان بذاكرتون ومحفور جواتون...دخلت نور على الغرفه وتسطحت على التخت وبلشت تبكي وتذكر كل لحظه عاشتها مع تيم...
وسط وحشة الحرب والأزقة الخالية من كل شيئ عدا عطرك الذي بات يختلط برائحة القنابل..الشظايا في كل صوب..كل شيئ تحول لرماد يستنفذ بنا كل ذرة وجع وقهر..اين انت..وأين مدينتي من كل هذا..واين انا..تهت بها واتوه عنها وعنك..أشعر بغربه لاتوصف..ووحشة تمزق القلب حسره على غائب..الأرض والسقوف والممرات والدفاتر والأقلام كل شيئ يشتاق له كما كنت اشتاق ولم أزل..لم تزل رائحة الأمس تلتسق بي...
*يـــــــــتـــــــبـــــــــع..♥️💭*